Beynəlxalq “Tələbələr Günü”nə həsr olunmuş konsert proqramı keçirildi

GƏNCLİK
10:51 29.11.2010
2869

 

ATGTI-nin mətbuat xidmətindən AZXEBER.COM-a verilən xəbərə görə, konsertin təşkilatçıları ADU Tələbə Gənclər Təşkilatı və Azərbaycan Tələbə Gənclər Təşkilatları İttifaqı (ATGTİ) idilər. Konsert Proqramı ADU-nun 300-dən çox tələbəsinin iştirakı ilə keçdi. Tədbirin rəsmi hissəsini ADU-nun Tərbiyə İşləri üzrə prorektoru Ələddin Əliyev açdı. O Beynəlxalq “Tələbələr Günü”  bayramının tarixindən danışdı. “İlk dəfə bele bir bayram 1946-cı ildə Praqada keçirilib. O gündən etibarən hər il bu bayrama yeni-yeni ölkələr qoşulur. Azərbaycanda bu ölkələrdən biridi” deyə Ə.Əliyev çıxışını davam etdi. Ə.Əliyev ümummilli lider Heydər Əliyevin tələbələrə və ümumiyyətlə gənclərə qayğısınıda xüsusi vurğuladı. “1994-cü ildə Heydər Əliyevin qərarı ilə respublikamızda Gənclər və İdman Nazirliyi yaradıldı və bu bütün gənclərin uğuru demek idi. Mən çox şadam ki, ADU-nun tələbələri tələbə adını layiqincə daşıyırlar. Bizim tələbələrimiz hər bir sahədə - intellektual yarışmalar, rəqs müsabiqələri və başqa tədbirlərdə hər zamanı uğur qazanırlar. Ələddin Əliyev ADU –nun rekotoru Səməd Seyidovun və TGT-nin tələbələrə qarşı qayğısından söz açdı. Şahin İsmayılovun və onun komandasının uğurlu fəaliyyətindən danışaraq onları yüsək qiymətləndirdiklərini qeyd etdi. “Səməd müəllim hər zaman tələbələrin təşəbbüsünü dəstəkləyir” deyə Ə.Əliyev bir daha rektor Səməd Seyidova və ADU  TGT və ATGTİ sədri Şahin İsmayilova təşəkkür etdi.

 

Proqramın bədii hissəsi populyar müğənnilər Arzum, Çingiz Mustafayev, “Qala” qrupu və başqalarının ifaları ilə davam etdi. Tədbirdə Dövlət Gənclər siyasətinin həyata keçirilməsində fəallıq göstərən və fərqlənən universitet tələbələri, ADU TGT-nin fəalları xatirə hədiyyələri və fəxri fərmanlarla mükafatlandırıldılar.

OXŞAR XƏBƏRLƏR