"Televiziyalarda baş verən söz-söhbətlər lazımsız idi. Bəzi müğənnilər aparıcıların güdazına getdilər".
AZXEBER.COM xəbər verir ki, bunu müğənni Zenfira İbrahimova Tarix Əliyevin "Səmimi” verilişində qonaq olan zaman deyib.
Sənətçi televiziya proqramlarında baş verən müzakirələri tənqid edərək bildirib ki, aparıcıların şəxsi həyat və ailə ilə bağlı suallar verməsi düzgün deyil:
"Mən müğənniyəm, işim müğənnilikdir. Sənətə aid verilən sualları mütləq cavablandırmaq lazımdır. Amma sənəti zəif olan, səsi olmayan bəzi həmkarlarım cavab verəndə düşünmürlər ki, bu sözlər necə xəbər kimi yayılacaq. Bu da cahillikdən və savadsızlıqdan irəli gəlir".
Müğənni əlavə edib ki, bəzi verilişlərdə iştirakdan qəsdən imtina edir:
"Bəzi verilişlər var ki, oraya çıxmaq istəməmişəm. Çünki bilirəm ki, emosiyalarımı qoruya bilməyəcəyəm. İstəmirəm ki, tamaşaçı məni başqa cür tanısın. Ona görə də həmin verilişin adını çəkmirəm, amma ora heç vaxt getməmişəm. Çünki orada qonaqlar arasında daim mübahisələr olur.”
Aysel
