Ötən gün Azərbaycan Mətbuat Şurasında Özbəkistan Jurnalistlər İttifaqının sədri Xolmurod Salimovun rəhbərlik etdiyi nümayəndə heyəti ilə görüş keçirilib.
AZXEBER.COM xəbər verir ki, görüş zamanı Xolmurod Salimov Azərbaycanla Özbəkistan arasında media sahəsində uzun illər davam edən səmərəli əməkdaşlığı yüksək qiymətləndirib. O, bu istiqamətdəki fəaliyyətlərinə görə dörd azərbaycanlı jurnalisti – Azərbaycan Mətbuat Şurasının sədri Rəşad Məcid, Şuranın İdarə Heyətinin üzvü və "Sosial Media Komissiyasının” rəhbəri Hacıbəy Heydərlini, "Azxeber Media”nın direktoru Əfsələddin Ağalarovu və "Editor.az” saytının baş redaktoru Fərid Şahbazlını İttifaqın üzvlük vəsiqəsi və döş nişanı ilə təltif edib.
Tərəflər bildirib ki, Azərbaycan və Özbəkistan dost və qardaş ölkələr kimi media sahəsində perspektivli əməkdaşlıq üçün geniş imkanlara malikdirvə yaxın gələcəkdə bu tərkibin iştirakı ilə yeni birgə layihələrin icrası nəzərdə tutulacaq.
Görüşün sonunda iştirakçılar xatirə şəkli çəkdiriblər.
