““Bulla-Dəniz" yatağında vəziyyət normaldır. Azərbaycan Dövlət Neft Şirkətinin (ARDNŞ) və "Hellenic Petroleum" şirkətinin əməkdaşları hazırda həmin ərazidədirlər”.
AZXEBER.COM xəbər verir ki, bunu jurnalistlərə açıqlamasında ARDNŞ prezidenti Rövnəq Abdullayev deyib. Onun sözlərinə görə, artıq yataqda təmizləmə işləri başa çatdırılıb: “Hazırda quyunun ağzı əlimizdədir. İndi hazırlıq işləri görülür, ABŞ-dan lazımi avadanlıqlar göndərilib. Onlar “Kamerun” şirkəti tərəfindən sınaqdan keçirilib və dənizə göndərilib. Həmin avadanlıqların quyunun başına keçirilməsi üçün hazırlıq işləri görülür. İndi iki variant var. Birincisi yana-yana, ikincisi isə söndürmə variantıdır. Hər iki variantı nəzərdən keçirib, onlardan birinin tətbiqi ilə bağlı qərar verəcəyik. Biz quyunu bağlamaq istəmirik, məqsədimiz maksimum imkanlarımızdan istifadə edib quyunu xilas etməkdir. Tədbirlər insan təhlükəsizliyinə riayət olunmaqla həyata keçirilib və bu belə də davam edəcək”. /SİA/
