- Bu festivala münasibətiniz necədir?
- Vətənpərvərlik haqqında filmlər, kitablar, teatrlar vacibdir, çünki bizim şagirdlər bilsələr ki, öz analarını, bacılarını qorumaq üçün, əsirlərin, qaçqınların intiqamını almaq üçün canından keçən oğullar var bu onlara örnək olar. Mübariz İbrahimov da belə oğullardandır. Düşünürəm ki, onun xatirəsinə belə bir festivalın hazırlanması çox müsbət haldır. Vaxtilə SSRİ-də Pablik Marozo varidi. O özünü kapitanına güllə dəyməsin deyə, pulemyotun qabağına verdi. Və buna görə onun haqqında çoxlu filmlər çəkildi, işıqlandırıldı. Amma Mübarizin etdiyi ilə bunun arasında yerlə göy qədər fərq var. Mən çox sevinirəm ki, onun haqqında filmlər çəkilir, yazılar yazılır, unudulmur. Mən özüm də bir çox filmlərin, onlarla teatr tamaşalarının yaradıcısı olsam da, yaxın gələcəkdə Mübariz haqqında böyük bir tamaşa hazırlamaq istəyirəm. Nəinki Mübariz haqqında, bütün şəhidlərimiz haqqında belə filmlərin çəkilməyini istəyərdim. Bizə ailə-məişət mövzusunda filmlər lazım deyil. Bundansa vətənpərvərlik mövzusunda filmlər olsa, daha yaxşı olar.
- Sizcə Vətənpərvərlik mövzusunda gənclərin 1-ci Ümumrespublika Teatr Festivalı gənclərimizə nə kimi töhfələr verəcək?
- Sovet dövründə filmlər, şeirlər, musiqilər vasitəsilə o qədər təbliğat olundu ki, döyüş olduğu anda könüllü surətdə hamı gedirdi. Yəni ədəbiyyat təbliğat funksiyası da daşıdığı üçün gənclərə vətənpərvərlik ruhunun aşılanmasında çox xeyri olacaq.
Belə gözəl iş gördüklərinə görə də bütün iştirakçıların hamsını təbrik edir, uğurlar arzulayıram.
Ülkər Eldarqızı
