Binəqədi gəncləri hər zaman paytaxtın digər rayonlarından olan gənclərdən fərqləniblər. İstər intellektual səviyyəsinə, istərsə də liderlik bacarıqlararına görə bizim rayonun gəncləri hər zaman qabaqda olub. Bunu siz gənclərə borcluyuq”.
Bu sözləri Binəqədi İcra Hakimiyyətinin Novxanı AF Hoteldə təşkil etdiyi “Binəqədi Gənclərinin Birinci Liderlik Məclisi” zamanı rayonun icra başçısı Xaləddin İsgəndərov deyib. O bildirib ki, gənclərin bütün təkliflərini dinləməyə və onu reallaşdırmağa hazırdır:
“Rayonumuzun aktiv gənclərinin iştirakı ilə keçirilən bu təlimlərdə sizlərlə birgə iştirak etmək mənim özüm üçün xoşdur. Yaşlı insanlardan nə öyrənəcəm? Yenilik siz gənclərdədir və sizlərdən öyrənliləsi çox şeylərimiz var. Bəzi vəzifəlilərimiz kimi, öz yaşıdları ilə oturub-durmaq mənə nə qazandıracaq? Bizim vəzifəlilər səhərdən axşama nə söhbət edirlər? Harda daha yaxşı kabab verirlərsə, günləri orda keçir. Vaxtlarının çoxunu kabab yeməklə keçirirlər. Kabab yeməkdənsə, sizlərlə, gənclərlə birgə vaxt keçirmək daha xoşdur. Sizlərlə bir yerdə olanda elə mən də gənc qalıram”.
Tədbir zamanı müxtəlif ixtisasdan olan binəqədili gənclərin təklifi dinlənilib və dəyərləndirilib. (axar.az)
