“Bizimkilər iş adı gələndə ya çay içirlər, ya da qaçıb siqaret çəkirlər...” – Hüsniyyədən səmimi VİDEOMÜSAHİBƏ

MAQAZİN
15:04 09.04.2021
923
AZXEBER.COM-un qonağı Avroviziya Mahnı Müsabiqəsinin nümayəndə heyətinin rəhbəri, tanınmış teleaparıcı Hüsniyyə Məhərrəmovadır.
 
Müsahibənin bəzi məqamlarını diqqətinizə çatdırırıq:
 
 - Azərbaycan tamaşaçısının izlədiyi verilişlərin səviyyəsini necə dəyərləndirirsiz?
 
Ümumiyyətlə, cəmiyyət nəyə maraq göstərirsə onu da izləyir. Elə şey var ki doğurdan da bizdə inkişaf edir, amma inkişaf etməyən şeylər də çoxdur. Onları etiraf etmək lazımdır. Nə qədər ki, bizdə insanlar savadsız, təhsilsiz olacaqlar, bax onda da bizim tamaşaçıların bir çoxunun marağı aşağı səviyyəli verilişlərə olacaq. 
 
- Kənardan bir çoxları üçün xoşbəxt insan təəssüratı bağışlayırsınız. Bunu necə edirsiz?
 
Xoşbəxtlik bizim öz əlimizdədir. Kiminsə xoşbəxt olmaq üçün bahalı maşın, kiminsə efirdə görünməsi, kiminsə üçün vəzifə, kiminsə üçün bağ-baxçada hansısa bir məşğuliyyət lazımdır. Mən də isə tamamilə fərqlidir. Mənim xoşbəxt olmağım üçün özünəməxsus stereotiplərim var. 
 
- Açıqlamalarınızın birində demisiniz ki, xaricilərlə birlikdə çalışmaq daha rahatdır. Bu cür düşünmənizə səbəb nədir?
 
Onlarda fərqli xüsusiyyətlər var. Məsələn, əgər səndən xoşları gəlmirsə belə sənin işinə diqqət edəcəklər. Əgər işin yaxşıdırsa sən işində qalıb çalışacaqsan. Livanlı bir dostumun belə bir fikri var idi. "Nike"ın sloqanı "Just do it" (bunu et) olaraq bilinir. Əgər ərəblər "Nike"a rəhbərlik etsəydilər o zaman bu sloqan  "İnşallah, ı will do" (İnşallah, edərəm) olaraq yazılardı. Biraz o bizdə də var. Xaricilərdə isə bu daha rahatdır. Onlar dəqiq və konkretdirlər. Bizimkilərlə işləyəndə isə bir gedir çay içməyə, digəri havasızlıqdan şikayət edir. Sonda nəticə eyni olur. Amma biz deyəsən çay içməyi çox sevən millətik. 
 
- Heç vaxt aparıcı olmaq istəmədiyini demisiniz. Ancaq sonda tanınmış aparıcı olaraq cəmiyyət sizi tanıyıb. 
 
Mən İTV-də "Qaraj"ı aparanda bir gün bərk xəstələnmişdim. Redaktorumuz Ormana bu barədə deyəndə, o mənə icazə vermədi, efirə çıxmalı olduğumu bildirdi. Eifrdən sonra isə mənə "Bəs, sən xəstə idin?" deyə sual verdi. Əslində efirdə olanda tamam başqa birisi olursan. Orada sənin xəstə olmağın heç kim üçün maraqlı olmadığı üçün, sən öz işinə fokuslanırsan. Mən işimə görə, peşəkarlığıma kölgə gəlməsin deyə özümü toparlamışam, gülümsəmişəm. 
 
Müsahibənin geri qalan məqamlarını isə veriliş tam versiyasından tanış ola bilərsiniz:


OXŞAR XƏBƏRLƏR