Son hadisələr göstərdi ki, supergüclərin gücü elə də super deyil.
Bunu BMT Baş katibi Antonio Quterreş BMT Baş Assambleyasındakı çıxışında deyib.
O bildirib ki, son dövrlərdə supergüclərin gücünün məhdud olduğu, heç bir dövlətin tam mənada "super gücə” malik olmadığı daha aydın görünür.
Quterreşin sözlərinə görə, yalnız hərbi güc, texnoloji üstünlük və ya iqtisadi qüdrət təhlükəsizliyi və sabitliyi təmin edə bilməz. Bunun üçün çoxtərəfli, BMT mərkəzli beynəlxalq sistemə ehtiyac var.
Quterreş vurğulayıb ki, bu sistemi sıfırdan qurmağa ehtiyac yoxdur: "Bizim artıq BMT Nizamnaməmiz var. Bu haqqında danışdığım ədalətli sistemin onurğa sütunudur”,-Quterreş vurğulayıb.
