BMT-nin nümayəndəliyi partladıldı: 18 nəfər öldü

Nigeriyanın paytaxtı Abuca şəhərində BMT-nin nümayəndəliyi ərazisində baş verən partlayışda ölənlərin sayı azı 18 nəfərdir. AZXEBER.COM-un məlumatına görə, 60-dək adam isə yaralanıb. Onların çoxunun vəziyyəti ağırdır. Həkimlər yaralılara qan vermək üçün vətəndaşlara müraciət edib. Yerli təhlükəsizlik əməkdaşlarının verdiyi məlumata görə, partlayışı kamikadze törədib. O, BMT binası yaxınlığında minalanmış avtomobili partladıb. Lakin məlumat hələ ki rəsmən təsdiqini tapmayıb. ABŞ və digər ölkələrin səfirliklərinin yaxınlığında BMT-in üçmərtəbəli binasının bir hissəsi dağılıb.