Böyük Britaniya Ukraynanın hava hücumundan müdafiə imkanlarını gücləndirmək məqsədilə çoxməqsədli LMM (Lightweight Multirole Missile) raketlərinin tədarükünü sürətləndirəcək.
Bu barədə Böyük Britaniyanın Baş naziri Endi Börnhemin dəftərxanasının yaydığı bəyanatda bildirilib.
Məlumata görə, London Kiyevə ümumi dəyəri 45 milyon funt sterlinq (təxminən 60 milyon dollar) olan hava hücumundan müdafiə raketləri təqdim edəcək.
Bəyanatda qeyd olunub ki, 2025-ci ilin martında Britaniyanın müdafiə sənayesi ilə Ukrayna arasında 1,6 milyard funt sterlinq dəyərində müqavilə imzalanıb. Razılaşmaya əsasən, Ukraynaya 5 mindən çox LMM raketinin çatdırılması nəzərdə tutulur.
"Bu gün elan edilən 45 milyon funt sterlinqlik yardım paketinin 10 milyon funt sterlinq dəyərində olan raketlərinin tədarükü Ukraynanın qış dövründəki ən təcili ehtiyaclarını qarşılamaq məqsədilə sürətləndiriləcək”, – bəyanatda vurğulanıb.
Qeyd edək ki, açıqlama Böyük Britaniyanın Baş naziri Endi Börnhemin oktyabrın 14-də Londonda Ukrayna Prezidenti Volodimir Zelenski ilə keçirilməsi planlaşdırılan görüşü ərəfəsində yayılıb.
///teleqraf///
