"Bu gün məni əzib, şərləməklə maşını əldə etdiniz, bəs sabah necə olacaq?" - MÜSAHİBƏ

MAQAZİN
14:57 23.10.2017
9483

"Məni əzmək üçün hər yola əl atdılar”

AZXEBER.COM-un müsahibi ATV-də yayımlanan "Maşın şou"da ehtiraslı çıxış ilə yadda qalan telejurnalist Ülviyyə Alovludur. 

- "Maşın şou”da iştirakınız birmənalı qarşılanmadı. Bu şouda nə qazandız, nə itirdiz?

-"İtirdiyim bir şey olmadı. Qazandığım şeylər çox oldu. Mənitanımayanlar da tanıdı. Bu şouda iştirak bir nömrəli reklamdır. Mən bu verilişə bundan öncə də dəfələrlə təklif almışdım amma bəzi səbəblərdən alınmamışdı. Murad bəy mənim verilişlərimdə sevə -sevə iştirak edib. Ona görə mən də bu dəfə onun şousuna qatıldım. Bəzən mənə deyirlər ki, oranı bəyənmirsənsə, niyə gedirdin? Sadəcə mən düşünmürdüm ki, belə dəhşətli bir heyət olacaq. Oyunda iki –üç tirəlik edənlər var idi. Mən onu edə bilməzdim. Bu da mənim prinsipimdir. İkinci qazancım isə o oldu ki, mən anladım ki, mənim orada rəqibim yoxdur. Yeganə rəqibim nəfisimdir, ona da Allaha şükür qalıb gəldim. Mən bütün oyunun gedişatını görürdüm. Əgər istəsəydim altdan-alta çox şey edərdim. Mən bu gün maşında uduza bilərəm amma mənəviyyatımı itirmədim. Yəqin tamaşaçılar gördü ki, mən heç İlkinlə mübarizə aparmadım”

- Şou zamanı ən çox danışan və qalmaqalla yadda qalan iştirakçılardan biri olduz. Bu nə ilə bağlı idi, təşkilatçıların tapşırığı idi yoxsa təbiətcə belə aqressivsiz?

- Belə görünməyimə səbəb haqsızlıq görməyim oldu. Mən əvvəlcə haqsız olan tərəfin yanında olmaq istədim, sonra gördüm ki, onlar da bunu anlamırlar. Anladım ki, haqqı ədaləti bərpa etmək qeyri-mümkündür, o zaman getmək istədim. Aqressiv deyəndə mən elə ona görə bu şoudan qorxurdum. Bilirdim ki, haqsızlıq qarşısında susa bilməyəcəm.

Bildiyiniz kimi telefonlarımız alınmışdı. Kənardan efiri görəndə anladım ki, ədalət naminə mübarizə apara-apara onlara oxşayıram. İlkin deyəndə ki, səni çıxarıram, heç bir etiraz etmədim. İstəsəydim fikrindən döndərib, istədiyim qədər qalardım. Təşkilatçılara qarşı hörmətsizlik edib, əlimi çəkə bilmədim və sona qədər səsvermənin nəticələrini gözlədim.

- Təşkilatçılar sizə təzyiq edirdi?

- Təşkilatçılar bizə deyirdilər ki, arqument gətirib oyun aparın. Maraqlı oyun göstərin. Murad Dadaşov dəfələrlə bizə yaxınlaşıb deyirdi ki, bir az sakit olun. "Maşın şou”dan öncə hər birimiz müqavilə imzalamışıq. Müqavilənin bəndində göstərilir ki, hər şey məxfi qalsın. Ona görə də çox şey deyə bilmərəm.

- Sizi şoudan uzaqlaşdıran İlkin Misgərli ilə dueliniz şounun ən maraqsız duellərindən oldu. İlkini çıxarmamağınızı kimə söz vermişdiz?

"Uzaqlaşdıran sözünə qarşıyam. Oyun zamanı Murad bəydən də xahiş elədim ki, desin İlkin Ülviyyə qarşıdı, Ülviyyə isə ona qarşı deyil. "Bozbaş Pictures”in rəhbəri İlkin Həsəniyə söz vermişdim. Şou vaxtı onu deməyim düzgün olmazdı. Şoudan öncə mənə zəng edib xahiş etdi ki, İlkin Misgərli ilə işin olmasın, ona qarşı oynama hətta ərkyanə dedi ki, gözün üzərində olsun. "Maşın” 10 gün sonra bitəcək amma münasibət davam edəcək. Günün sonunda ağlamağımın səbəb isə məğlub olmağım deyildi. Səbəb ordakı insanların vəziyyəti idi. Məni əzib tapdalamaq üçün hər yola gedən insanların ruhu üçün ağladım. Hətta ən sonda Murad Dadaşovu belə mənə qarşı qoymağa çalışdılar. İnsanların ruhunun qara olması mənə pis təsir edir. Bu gün məni əzib, şərləməklə maşını əldə etdiz. Bəs 10 gün sonra necə olacaq. İnsanlar bir birinin üzünə necə baxacaq?

Oyundan sonra baxdım ki, İlkin Misgərliyə "Bozbaş pictures”in uşaqlardan yalnız İlkin Həsəni səs istəyib. O biri uşaqlar səs istəməyib. Bu da mənə qarşı oyun idi.

Onlar "Axırıncı yol” filmində mənim müəllif olduğum mahnının məndən icazəsiz istifadə ediblər. Mən buna görə müəllif hüquqları agentliyinə müraciət edə bilərdim amma etmədim. İstəmədim desinlər ki, Ülviyyə bizim işimizin sayəsində özünə reklam qazanır. Bu hərəkətləri artıq ikinci dəfə idi. Yenə canları sağolsun. Anladım ki, insanlar pulla dostluğu qarışdırırlar.

 

- Veriliş haqda iddia var ki, Murad Dadaşov özü səsləri idarə edir və kimi istəyirsə çıxarır...

- Bunu tam məsuliyyətimlə deyə bilərəm ki, ağ yalandı. Murad bəy duel zamanı hansısa işçinin bizə yaxınlaşmağına icazə vermir. Bu rəqəmdi, kim inanmırsa gedib siyahını çıxardıb baxa bilər. Murad Dadaşov ölkədə ən bahalı layihənin rəhbəridir. Səs vermədə elə böyük məbləğ gəlmir ki, Murad bəy ondan nəsə də qazansın. Belə xırda söhbətlərin yeri yoxdur. Kaş ki, hər kəs Murad bəy kimi qədir bilən olardı.

- "Maşın”ı kimin udmasını istəyirsiz?

- Orada müqayisədə yeganə yalan danışmayan iştirakçı Xatundur. O xanımlarla qruplaşma da var və bunu da oyun zamanı göstərir. Xatun qalib olsa bilərəm ki, haqq ədalət var. Bu bir oyundur. Hər kəs həyatda necədirsə, oyunda da onu göstərir. Yenə də Allah hər birin canın sağ eləsin.

 

Nazim Qasımzadə,
AZXEBER.COM

OXŞAR XƏBƏRLƏR

ƏN SON XƏBƏRLƏR

16:41 22.10.2021

Faciəvi şəkildə həlak olan şəhid xanımı dəfn edildi - Foto

16:36 22.10.2021

Şəhidin anası gəlini ilə ölümündən 2 dəqiqə əvvəl danışıb - VİDEO

16:29 22.10.2021

Güclü külək əsəcək, temperatur 4-7 dərəcə enəcək - XƏBƏRDARLIQ

16:10 22.10.2021

Tanınmış futbolçunu evində güllələdilər

16:08 22.10.2021

İqtisadiyyat naziri 7-ci Dünya İnvestisiya Forumunda çıxış edib - FOTO

15:59 22.10.2021

Azərbaycanda taksi sürücüsü 8-ci sinif şagirdini zorlamaq istədi - FOTO

15:55 22.10.2021

Sanitar qaydaları kobud şəkildə pozan çörək sexi bağlandı - FOTO

15:54 22.10.2021

Deputat insanlara çağırış etdi: “İnanın, vaksinin fəsadları yoxdur..."

15:45 22.10.2021

Bakı sakinləri eyvanlarından prezident və ailəsini belə salamladılar - VİDEO

15:31 22.10.2021

Türkiyədə Polad Həşimovun anasına mükafat təqdim olundu - FOTO

15:23 22.10.2021

Yazıçı: “Güclü xarakterə malik insan haqqında yazmaq ikiqat çətindir”

15:19 22.10.2021

Ermənistanın S-300 zenit-raketlərinin necə aşkarlanaraq məhv edildiyi məlum oldu

15:13 22.10.2021

Xalq artistinin oğlunun vəziyyəti ağırdır - VİDEO

15:03 22.10.2021

"Mən boşananda anam iflic oldu"

15:02 22.10.2021

Hikmət Hacıyev: Bizim məqsədimiz qisas deyil, gələcək sülhə çağırışdır

15:00 22.10.2021

Lirə sürətlə ucuzalaşır, dəyər itirir – Manatın aqibəti necə olacaq? (TƏHLİL)