Aprelin 24-də Jumeirah Bilgah Beach Hotel mehmanxanasında UĞUR mükafatının illik təltifat mərasimi keçiriləcək.
Təşkilatçıların AZXEBER.COM portalına verdikləri məlumata görə, bu il həmin mükafatın laureatları, həm Azərbaycanda, həm də ölkəmizin hüdudlarından kənarda fəaliyyət göstərən 30 şirkət və brend olacaq. Mükafatın müxtəlif nominasiyalarında, milli biznesin yeni simasını formalaşdıran şirkətlər qeyd olunacaq.
Qeyd edək ki, «UGUR» milli mükafatı 2000-ci ildə Consulting & Business jurnalı tərəfindən təsis olunub. UGUR – Azərbaycanda iqtisadiyyat və biznes sahəsində təsis olunan və milli iqtisadiyyatın möhkəmləndirilməsində və inkişafında, yeni iş yerlərinin yaradılmasında və bununla da hər bir ailənin rifah halının yaxşılaşdırılmasında iştirakına görə biznesmenlərə, dövlət və ictimai xadimlərə verilən ilk mükafatdır.
Bu mükafat, Azərbaycanda biznesin möhkəmləndirilməsinə və inkişafına, iqtisadiyyata investisiyaların yatırılmasına, laureat şirkətlərin nüfuzunun və rəqabət qabiliyyətinin yüksəldilməsinə kömək etmək məqsədi daşıyır.
