AZXEBER.COM-un Xezerxeber.az-a istinadən məlumatına görə, Nazirlər Kabineti əmək qabiliyyətinin müvəqqəti itirilməsinə görə ödənilən müavinətlə, yəni "bülleten pulu" ilə bağlı mühüm dəyişiklik edib.
Beləliklə, əvəllər sığorta stajından asılı olaraq 60 %, 80 % və 100 %-ə qədər hesablanan müavinət bundan sonra bütün sığorta olunanlar üçün 100 % həcmində ödəniləcək.
Vətndaşların Əmək Hüquqlarını Müdafiə Liqasının sədri Sahib Məmmədov bildirib ki, daha əvvəl qanunvericilikdə sözügedən müavinətin tam şəkildə ödənilməsi hər kəsə aid deyildi.
Sahib Məmmədovun sözlərinə görə, bu qərarın dəyişdirilməsi sayəsində uzun və qısa sığorta stajı olan işçilər arasında fərq aradan qalxacaq. Eyni zamanda xəstəlik dövründəki gəlir itkisi tam kompensasiya ediləcək.
Qanunvericiliyə əsasən əmək qabiliyyətinin müvəqqəti itirilməsinə görə müavinət azı 6 ay iş stajı olan şəxslərə şamil edilir. Müavinətin məbləği aylıq vəzifə maaşının 2 qatından və ya minimum pensiya məbləğinin 25 mislindən çox ola bilməz. Qərar bu ilin may ayından qüvvəyə minəcək.
