Bürclər bu gün nə vəd edir? - GÜNÜN QOROSKOPU

Qoç-Bütün səylərinizə rəğmən günün ilk yarısında problemlərin sayı az olmayacaq. Çətinlikləri aradan qaldırmağa başlayın. Önəmli məsələlərlə bağlı qərarı təxirə salmayın.

İşgüzar tərəfdaşlar və müttəfiqlərlə cari məsələləri müzakirə edərkən emosional olmayın.

Sifarişi yerinə yetirin, vədləri qulaqardına vurmayın.

Günün ikinci yarısında peşəkar fəaliyyət müstəvisində uğurlar əldə etmək üçün rəqibləri üstələməlisiniz.

Dəyər verdiyiniz insanla münasibətlərdə passivlik nümayiş etdirməyin. İradəli və qətiyyətli olun. Çoxdan bəri planlaşdırdığınız işə başlayın. Gəlirlər çox deyil, amma pullar karınıza gələcək.Alış-verişdə mənasız simiclik etməyin.

O qədər də uğurlu təqvim deyil. Ətrafınızda olan şəxslərlə aranızda anlaşılmazlıqlar yaranmaması üçün maksimum ehtiyatlılıq nümayiş etdirin. Səhhətinizə diqqəti artırın.

Buğa-Günün ilk yarısı xoş keçəcək. Komfort ritmə riayət edərək harasa gecikməyəcəyinizi, hansısa işi görməyə ehtiyac yaranmayacağını düşünməyin. Aktiv olun, bu günün işini sabaha saxlamayın. Maraqlı görüşlər istisna deyil. Bundan sonrakı yaşamınıza təsir edə biləcək insanla qarşılaşa bilərsiniz. Dəvət aldığınız yerə günün ikinci yarısında yollanın.

Axşam saatları dəyər verdiyiniz insanlarla, uzaqdan gəlmiş qonaqlarla ünsiyyət üçün əlverişlidir.

Əkizlər-Məkrli insanların şirin dilinə aldanmayın. Tələyə düşməyin, boş söhbətlərə qatılmayın. Təmkinli olun, qərarları düşünüb verin.

Yaşanacaq olaylar ziddiyyətlidir və situasiyanın dəqiq qiymətləndirilməsi zərurəti yaranıb.

Günün ikinci yarısında peşəkar fəaliyyət müstəvisində yeni insanlarla qarşılaşacaqsınız. İşdə rəhbərliklə danışıqlarda emosiyalara qapılmayın.

Çuğulçu və xəbərçi adamların davranışlarını izləyin. Belə müşahidələrdə xeyir var.

Axşam saatlarında yola çıxmalı olacaqsınız.

Xərçəng- Diqqətli olun ki, günün ilk yarısındakı problemlər qulaqardına vurulmasın. Maraqlarınızı heçə sayanların qarşısını alın və ümumiyyətlə, belə adamlara heç nəyi etibar etməyin.

Maliyyə problemləri yarana bilər. Yardım üçün yaxınlarınız və ya dostlarınızdan birinə müraciət edə bilərsiniz. Alış-veriş və ya investisiyalarla bağlı qərarları müstəqil şəkildə qəbul edin. Təcrübəli insanların məsləhətlərinə qulaq asın.

Günün ikinci yarısında yeni əlaqələr qura bilərsiniz. Pozulmuş münasibətləri normallaşdırın. Yaxınlarınız sizə həyan olacaqlar. Tərbiyəsiz, mədəniyyətsiz adamlarla əsla tərəfdaşlıq etməyin.

Şir-Sizə məxsus olan nəsnəyə yiyələnmək istəyən insan qanun çərçivəsidə cəcazalanmalıdır. Beləsi problemi məhkəməyədək barışıqla həll etməyə çalışsa da, ona inanmayın. Qarşınıza qoyduğunuz məqsədə çatmaq asan olmasa da, bunu bacaracaqsınız. Dəstək vəd etmiş insanlara bel bağlamayın. Problemləri özünüz həll edin. Müstəqil çalışın. İradəli və qətiyyətli olsanız, niyyətinizi gerçəkləşdirə bilərsiniz.

Günün ikinci yarısında kiçik gəlirlər olacaq. Maddi durumunuzu sürətlə yaxşılaşdırmağa can atmayın. Aramlı irəliləyiş düşünülməmiş qaçışdan daha məntiqidir.

Axşam saatlarında yaxınlarınıza yardım etmək üçün bəzi işlərdən imtina etmək zərurəti yaranacaq. Heyfsilənməyin. Şəfqət və mərhəmət unudulmur.

Qız-Əlverişli zamandır, çünki günün ilk yarısında müsbət təmayüllərin təsiri artacaq. Çətinliklər və sədlərə rəğmən niyyətinizə çatacaqsınız. Prosesi sadələşdirmək və asanlaşdırmaq üçün hiyləgərlik etməli olacaqsınız. Durum sizi narahat etməsin. Yaxın ətrafınızdakı insanlara zərər verməyin.

Günün ikinci yarısında işdə problemlərin müzakirəsi, rəhbərliklə görüşə can atmaq əsla məsləhət deyil. Subordinasiyanı kobud şəkildə pozaraq olmayan münasibətləri inkişaf etdirməyə çalışmayın. Özünü "qlamur" və ya "trenddəki insan" hiss edən insanların batininin puç olduğunu anlayın.

Axşam saatlarında səhhətinizlə rasionunuza fikir verin.

Dünəndən Ay bürcünüzdə olduğu üçün ciddi planlarınızı təxirə salın, istənilən mübahisələrdən uzaq olun. Əgər kiminləsə "haqq-hesab"ınız varsa, bunu başqa vaxta saxlayın.

Tərəzi-Əfsuslar olsun ki, narahat, gərgin zamandır. Situasiya əhvalınıza təsir edəcək. Aqressiv davranaraq özünüzü və ətrafınızdakı insanları usandırmayın. Yeni tanışlıqlar üçün əlverişli zaman deyil. Aradığınız informasiyanı əldə edə bilərsiniz.

Günün ikinci yarısında anlaşma, müqavilə və sənədləşdirmə ilə məşğul olun. Kommersiya fəaliyyətinizdə yeni çərçivələri təhlil edin.

Maliyyə itkiləri ola bilər. Çağırıldığınız yerə gecikməyin.

Axşam saatlarında ailənizlə birlikdə istirahət edin.

Dekabirin ən uğurlu gününü yaşayacaqsınız. Qarşılıqlı münasibətlərdən tutmuş fəaliyyət zəmininə qədər bütün proseslər xeyrinizə olacaq. Yeni təklif alsanız, imtina etməyin.

Əqrəb-Səmimiyyət, qayğıkeşlik və ünsiyyətdə rahatlıq sizə yeni dostlar, müttəfiqlər tapmağa imkan verəcək. Yeni münasibətlərə çox bel bağlamayın. Belə ünsiyyətlərin perspektivləri azdır.

Günün ikinci yarısında danışıqlarda ötkəm, qətiyyətli və iradəli olun. Düşünülməmiş addım, tələsik qərar sonradan pərişanlıq hissləri yarada bilər.

Risklərdən çəkinməyin, yeni müstəvidə və istiqamətdə qüvvələrinizi sınayın. Seçimdə tərəddüd etməyin. Bələd olmadığınız insana inansanız, manipulyasiyaların qurbanı olacaqsınız.

Axşam saatlarınızı açıq havada keçirin.

Ailə zəminində mübahisələriniz gözlənilir. Bu səbəbdən də hər xırda xoşagəlməzliyi ciddi problemə çevirməməlisiniz. Fəaliyyətlə bağlı riskli hərəkətlərə yol verməyin. Bəxtinizdə pul var.

Oxatan- Yaxşı, əlverişli, rəvan zamandır. Ciddi ehtiyac duyulmursa, fəaliyyət istiqamətlərində köklü dəyişikliklərə başlamayın. Bəzi işlər maraqlı təsir bağışlaya bilər. Ancaq onlar sərf ediləcək səylərə dəyməz. Köhnə dostlardan, etibarlı müttəfiqlərdən biri vədinə əməl etməyəcək. Bel bağladığınız insan öhdəliklərini unudacaq.

Günün ikinci yarısında anormal istiqamətdə cərəyan edəcək hadisələrə müdaxilə edin.

Aktiv olun, yaşam potensialınızın səviyyəsi yüksəkdir. Əhvalınız pis olmayacaq. Yorğunluq riski çox azdır. Qəfil gəlir, hədiyyə və ya sürpriz ola bilər. Şəxsi münasibətlərdə təşəbbüskar olun.

Oğlaq-Günün ilk yarısında kommersiya və maliyyə işlərində uğurlar əldə edə bilərsiniz. Yeni sifariş və ya tapşırığı vaxtında yerinə yetirmək üçün ləng tərpənməyin. Tərəfdaşlar, müttəfiq və şəriklərlə danışıqlar pis keçməyəcək. Nüfuzlu insanlarla söhbətlərdə diqqətli olun.

Yeni tanışlar sizi zahiri görkəminizə görə dəyərləndirəcəklər.

Günün ikinci yarısında məntiqsiz, ekstravaqant addımlar atmayın. Yaxın adamınız sizi qəfil xəbərlə sevindirəcək. Planlarınızda dəyişikliklər labüddür. Qıcıqlanmayın, aqressiv davranmayın.

Axşam saatları etiraflar üçün münasibdir.

İşgüzar əlaqələrinizi dərinləşdirməklə qarşınızda duran vəzifələri layiqincə yerinə yetirə bilərsiniz. Tələsik qərar verməyin. Gümanınız gələn hər kəsdən məsləhət almağa çalışın.

Dolça-Hər şey göründüyü kimi deyil. Günün ilk yarısında qəfil uğur, gözlənilməz nailiyyət ola bilər. Qarşınızda maraqlı imkanlar yaranır. Şəraitin əlverişli axarından yararlanmağa çalışın. Cəsur və qətiyyətli olun. Öz qüvvənizdən bədgüman olmayın, zəif düşməyin.

Unutmayın ki, röyaları gerçəkləşdirməyin ən yaxşı yolu oyanmaqdır.

Günün ikinci yarısında yaxınlarınız sizə yaxşı məsləhətlər verəcəklər. Onlar sizin ideyalarınızı dəstəkləyəcəklər, maddi kömək edəcəklər. Dəyərli hədiyyələr ala bilərsiniz.

Axşam saatlarını ailə üzvləri ilə ünsiyyətə həsr edin. Gəzintiyə də çıxa bilərsiniz.

Təxminən saat 13-ə qədər bütün ciddi işlərinizin həllini təxirə salmalısınız. Əks təqdirdə cəhdləriniz boşa çıxacaq. Sonrakı saatlarda isə perspektivli təkliflər alacaqsınız.

Balıqlar-Yaxşı dostunuz varsa, güzgüyə qətiyyən ehtiyacınız yoxdur. Dostun dəyərini bilin.

Qarşınıza qoyduğunuz məqsədlərə çatmaq üçün iradəli, qətiyyətli olun. İzafi səylərə, həddən artıq çalışmağa ehtiyac yoxdur. Özünüzü yormayın. Kənardan yardımlara və dəstəyə bel bağlamayın. Ağır işlərin öhdəsindən təkbaşına gəlməli olacaqsınız. Nəticə sizi pərişan etməyəcək.

Susaraq qazandığınız dəyəri çox danışaraq itirməyin.

Günün ikinci yarısında təmaslarda sərvaxt, ehtiyatlı olun. Sizi aldatmağa, yanıltmağa çalışacaqlar. Kimlərsə bunu bilərəkdən, kimlərsə də doğru yol saydığı üçün edir. Sabiq həmkar və ya köhnə tanışla görüş ola bilər.

İşgüzar əlaqələriniz olduğu insanla sürəkli əlaqə saxlamağı unutmayın.

Axşam saatlarında normal istirahət edin.

Bəxtinizdə uğurlu ərəfə durur. Bəzi xırda xoşagəlməzliklər olsa da, situasiyaların nəticəsi zövqünüzə uyğun tərzdə cərəyan edəcək. Qış istirahətinə də vaxt ayırın.