Azərbaycanda yağmurlu hava şəraiti sabah gündüzədək davam edəcək.
Ekologiya və Təbii Sərvətlər Nazirliyindən AZXEBER.COM-a verilən məlumata görə, Bakıda və Abşeron yarımadasında aprelin 17-dən 18-nə keçən gecə yarımadanın bəzi yerlərində qısamüddətli az yağış yağacağı, gündüz dəyişkən buludlu olacağı, gün ərzində əsasən yağmursuz keçəcəyi gözlənilir.
Arabir güclənən şimal-qərb küləyi gündüz mülayim şərq küləyi ilə əvəz olunacaq.
Havanın temperaturunun gecə 10-14, gündüz 20-25 dərəcə isti olacağı gözlənilir.
Aprelin 18-i gündüzdən yağış kəsiləcək, 19-da axşamadək hava əsasən yağmursuz keçəcək.
Mülayim cənub küləyi ayın 19-da gündüz arabir güclənəcək.
Azərbaycanın rayonlarında aprelin 18-də bəzi yerlərdə şimşək çaxacağı, yağış yağacağı, gündüz tədricən kəsiləcəyi gözlənilir. Səhər ayrı-ayrı yerlərdə duman olacaq. Şərq küləyi əsəcək. Havanın temperaturunun gecə 10-15, gündüz 21-26, dağlarda gecə 6-11, gündüz 15-20 dərəcə isti olacağı gözlənilir.
