Qohumlar cinayətkarın hərəkətinə haqq qazandırdılar.
Dünən gecə Azərbaycanın Cəlilabad rayonunun Maşlıq kəndində cavan oğlan öz qonşusunu bıçaqlayıb.
AZXEBER.COM Oxu.Az-a istinadən xəbər verir ki Cəlilabad Polis İdarəsində bildiriblər.
Qeyd edək ki, bu insidentin iştirakçılarının adları bizə məlumdur, amma etik normalara görə onlar mətndə dəyişdirilib.
Belə ki, 1991-ci il təvəllüdlü Elxan Hüseynov qonşusu 1991-ci il təvəllüdlü Habil Şahbalayevə 7 bıçaq zərbəsi vurub. Şahbalayev hospitala yatırıldıqdan sonra dünyasını dəyişib. Cinayət axtarış şöbəsinin əməkdaşları Hüseynovu elə evindəcə saxlayıblar. O, istintaqdan gizlənmək fikrində deyildi.
İlkin dindirmə zamanı o deyib ki, H.Şahbalayev onunla birlikdə həmkəndlilərinin toyunda iştirak edib. Daha sonra H.Şahbalayev ona yaxınlaşaraq evə getdiyini bildirib. E.Hüseynov isə ona toyda qalıb əylənməyi məsləhət görüb.
Ancaq E.Hüseynov toyda az qalıb. Bir müddətdən sonra o, evə qayıdıb və yataq otağına keçib. E.Hüseynovun sözlərinə görə, işığı yandıran zaman H.Şahbalayevlə qarşılaşıb.
Saxlanılan şəxsin sözlərinə görə, təmirlə əlaqədar evdə işıq keçiriciləri işləmir. E.Hüseynov işığı yandırıb və öz otağında qonşusu Şahbalayevi görüb...
Məlumdur ki, Hüseynov yataq otağına daxil olanda həyat yoldaşı otaqda olmayıb. Qadın daha sonra bildirib ki, həmin vaxt qayınanasına banka qoymağa gedibmiş.
Beləliklə, qonşusunu yataq otağında görən E.Hüseynov bıçağı götürərək H.Şahbalayevə zərbələr endirib. Hüseynovun yoldaşı isə evdən qaçıb gizlənməyə müvəffəq olub. Sonra qışqırıq səsinə Hüseynovun qohumları və qonşuları gəlib, gələnlərin çoxu Hüseynovun özündə güc taparaq namusunu qanla təmizlədiyinə görə haqlı hesab ediblər.
Amma bu Hüseynova kömək etməyəcək. E.Hüseynovun təqsiri sübuta yetirilərsə, Cinayət Məcəlləsinə görə onu 7 ildən 12 ilədək azadlıqdan məhrumetmə cəzası gözləyir.
Qeyd edək ki, həm E.Hüseynovun, həm də H.Şahbalayevin bir yaşlı övladı var.
