Milli Şuranın vahid namizədi Cəmil Həsənli ilə bağlı müxtəlif fikirlər səslənməkdədir. Həsənlinin lider keyfiyyətlərinə malik olmadığı, Müsavat Partiyasının sədri İsa Qəmbər və AXCP sədri Əli Kərimlinin təsir dairəsində olduğu barədə də rəylərin olduğu məlumdur.
“1news.az”saytının baş redaktoru Rəhman Hacıyevin də “Hamı Fantossiyə qarşı: həftə içi Azərbaycan müxalifəti” başlıqlı yazısında Cəmil Həsənlini məşhur italyan komediyasındakı Fantossi obrazına bənzədib.
AZXEBER.COM-un məlumatına görə, bu yazı cəmiyyətdə birmənalı qarşılanmayıb. Milli Şuranın vahid namizədinin komediya ustadına bənzədilməsi müxalif cəbhəni qıcıqlandırıb, iqtidar dəstəkləyən gənclər isə internetdə adıçəkilən filmlə bağlı maraqlı süjetlər hazırlayıb: https://azxeber.com/index.php?action=static_detail&static_id=40477
Məsələylə bağlı AZXEBER.COM portalı olaraq Şuranın vahid namizədi Cəmil Həsənlinin özü iləəlaqə saxladıq. Cəmil bəy yazını oxuduğunu və bu haqda məlumatlı olduğunu dedi:
“Sözügedən yazını oxumuşam və bu haqda məlumatlıyam. Çox təəssüflər olsun ki, hakimiyyət seçkiöncəsi mənə qarşı bu cür vasitələrdən istifadə edir. Mən öz növbəmdə bu cür yazılara şərh vermək fikrində deyiləm. Sadəcə onu deyə bilərəm ki, bu hakimiyyətin mənə qarşı növbəti oyunudur”.
Qeyd edək ki, sözügedən yazının çap edilməsinin ardından Milli Şurada təmsil olunan partiya nümayəndələri mətbuata məsələylə bağlı açıqlamalar verib.
AXCP sədrinin müavini Fuad Qəhrəmanlı isə lent.az açıqlamasında deyib ki, belə qeyri-ciddi məsələlərə münasibət bildirmir.
“El” hərəkatının Ali Məclisinin sədri Eldəniz Quliyev isə Gün.Az-a açıqlamasında bu məsələyə kəskin münasibət bildirib.
“Bir çox qüvvələr bizim öz yolumuz ilə getdiyimizi, geri dönməyimizin mümkün olmadığını görürlər. Eyni zamanda, hansısa siyasətçinin bədii dillə, obrazla müqayisə olunması da pis hal deyil. Ancaq həmin adam təhqir olunmalı deyil..”
“El” hərəkatının rəhbəri, Milli Şura aparatının rəhbəri Eldar Namazov isə indiki vaxtda belə məsələyə münasibət bildirməyə vaxtı olmadığını deyib.
Əfsələddin Ağalarov,AZXEBER.COM
