"Azərbaycan xalqı sübut etdi ki, Ramil Səfərov tək deyil. İndi isə növbə macar xalqına tək olmadıqlarını isbat etməkdir. Bilirsiniz ki, artıq Ermənistan Ramil Səfərovun ekstradisiyası ilə bağlı Macarıstan əleyhinə geniş kampaniyaya start verib. Məncə bu anda bizim gənclərimiz, təşkilatlarımız, hökümət nümayəndələrimiz, millət vəkillərimiz, iş adamlarımız, media nümayəndələrimiz, bir sözlə hər bir şəxs macar həmkarlarına, xüsusilə Macarıstan hökümət rəhbərliyinin elektron ünvanlarına, Macarıstan Prezidenti, Baş Naziri, Ədliyyə Nazirliyi, Parlamenti nümayəndələrinə təşəkkür məktubları göndərməlidir ki, onlar da görsün ki, bu jesti müsbət qarşılayan insanların sayı bu jesti mənfi qarşılayan insanların sayından çoxdur!!!” AZXEBER.COM-unməlumatına görə, bu sözləri millət vəkili Ceyhun Osmanlı şəxsi “facebook” səhifəsində yazıb.
Onun dediyinə görə, Ramil Səfərovun azad olunması Azərbaycan diplomatiyasının və dövlət başçısı İlham Əliyevin uğurudur: “Ramil Səfərovun azad olunması və əhf olunması Azərbaycan dövlətinin, diplomatiyasının və dövlət başçısının uğurudur! Başqa şəxslərin bu işdən özünə reklam kampaniyası düzəltməsinə ehtiyac yoxdur! İndi hərə gedəcək bir dəfə Ramillə şəkil çəkdirəcək, ya facebook-da paylaşacaq, ya da axşam xəbərlərində göstərəcək! Hansısa təşkilatlar da bəyanat verəcək ki, bəs Ramili azad etmək üçün dəridən, qabıqdan çıxmışıq! Belə bəyanatları yayan adama deyərlər ki, neçə dəfə Ramil həbsdə olanda evini ziyarət etmisən və ya həbsdə olan Ramilə bir məktub yazmısan... Ona görə də daxili PR-a yönəlmiş ura-patriotik bəyanatlar əvəzinə hər kəs Macarıstanda birilərinə, xüsusilə də Macarıstanda aidiyyatı qurumlara təşəkkür ünvanlasa yaxşı olar. Bunları da bacarmayanlar heç olmasa Macarıstanın Azərbaycandakı səfirliyinə təşəkkürünü bildirə bilər.Öncədən təşəkkürlər!”
