Türkiyənin Diyarbakır şəhərində bir müddət əvvəl boşanan cütlüyün ailələri arasında mübahisə baş verib.
AZXEBER.COM Türkiyə mətbuatına istinadən xəbər verir ki, boşanan cütlüyün ailələri arasında mübahisə yaranıb. Hadisə nəticəsində 2-si ağır olmaqla 12 nəfər xəsarət alıb.
Günorta saatlarında yaranan mübahisədə daş, taxta, hətta silahdan istifadə edilib. Hadisə yerinə polis və təcili tibbi yardım çağırılıb. Xəstəxanaya aparılan 12 nəfər yaralı müayinə edilib. Onlardan tüfənglə vurulan 2 nəfərin vəziyyəti ağır olaraq qiymətləndirilib.
Hadisənin nə səbəbdən baş verdiyi hələlik məlum deyil. Faktla bağlı araşdırma aparılır.
