"Dövlətimiz Azərbaycan gəncliyinin inkişafına xüsusi diqqət yetirir”
Bütün Xəbərlər
06:50 16.06.2011
1442
Ə.Əhmədov qeyd edib ki, dövlət hər zaman gəncliyə önəm verib və bu gün də verməkdədir.
“Prezident İlham Əliyev Azərbaycan Gəncliyi ilə bağlı 2011-2015-ci illəri əhatə edən Dövlət Proqramının hazırlanması ilə bağlı Sərəncam verib. Bu fakt bir daha təsdiqləyir ki, dövlətimiz Azərbaycan gəncliyinin inkişafına xüsusi diqqət yetirir” – deyə, Ə.Əhmədov vurğulayıb.
Azərbaycanın sürətlə inkişaf etdiyini deyən YAP sədrinin müavini qeyd edib ki, Prezident İlham Əliyevin siyasətinin məqsədi ölkəmizi zəngin, firəvan və qüdrətli dövlətə çevirməkdən ibarətdir.
Onun sözlərinə görə, Azərbaycan müasirləşir və bu proses davamlı xarakter daşıyır, ona görə cəmiyyətimiz də bu yeniliklərə uyğunlaşmalı, müasir dövrün çağırışlarına cavab verməlidir.
“Təbii ki, bu prosesdə yenilikçi qüvvə olaraq gənclərin üzərinə böyük məsuliyyət düşür. Gənclərimiz bu prosesi irəli aparmaq üçün fəal olmalıdırlar. Sevindirici haldır ki, partiyamızın sıralarında təmsil olunan gənclər yüksək intellektual potensiala malikdir və bu məsuliyyətin öhdəsindən gəlmək iqtidarındadır” – deyə, YAP sədrinin müavini bildirib.
OXŞAR XƏBƏRLƏR
