O, mətbuatda düzgün olmayan bir sıra məlumatların yayıldığını deyib. Vəkil, təsdiqlənməyən xəbərlərin Fosterin ailəsini dərindən sarsıtdığını, verilən yanlış məlumatların peşə qaydalarına zidd olduğunu düşündüklərini də vurğulayıb.
Ayşegül Mərmər, açıqlamasında mətbuatı obyektiv olmağa səsləyib: “Hadisənin tərəfi olaraq bizlər əlimizdəki məlumatların doğruluğundan əmin olmadığımıza görə, bu günə qədər heç bir məlumat verməmişik. Halbuki, ölüm xəbərinin bizə verdiyi hisslərə və tərəflərdən biri olduğumuza görə kimlərisə günahlandıra bilərdik. Ailəsi olaraq biz obyektiv mövqe nümayiş etdiririk. Buna görə də eyni obyektiv davranışı heç olmasa bundan sonra mətbuat nümayəndələrindən gözləyirik. Mətbuatın vəzifəsi ictimaiyyəti məlumatlandırmaqdır. Hadisə ilə bağlı şübhə içindəyik, ancaq konkret məlumat və dəlil yoxdur.
Bu faktlarla bağlı olaraq araşdırmalar davam edir. Araşdırmaların nəticəsində konkret məlumat və dəlillər əldə etdiyimiz an mətbuata açıqlayacağıq. İndi mətbuatda yayılan məlumatların çoxu rəsmi mənbələr tərəfindən təsdiqlənməyib”.
