Bakının Sabunçu rayonunda bıçaqlanma hadisəsi baş verib. Qohumlar arasında yaranan mübahisə qanlı sonluqla yekunlaşıb. Dayısı oğlu Arif Hənifəyevin təhqirlərinə dözməyən 1989-cu il təvəllüdlü Qurbanov Rəşid Bəşir oğlu ona bir neçə bıçaq zərbəsi endirib. Yaralı dərhal Təcili Tibbi Yardım maşını ilə xəstəxanaya çatdırılıb. Zərərçəkənin üzərində aparılan cərrahiyyə əməliyyatı nəticəsində onun həyatını xilas etmək mümkün olub. Sabunçu Rayon Polis İdarəsinin 15-ci polis bölməsinin əməkdaşlarının həyata keçirdikləri əməliyyat-axtarış tədbirləri nəticəsində hadisəni törədən 1-ci Zabrat qəsəbə sakini Rəşid Qurbanov məsuliyyətə cəlb olunub. «Çağırıb, cavab verməmişəm. İçkili idi ona görə. Sonra ana-bacı söyüşü söydü. Mən də dedim ki, mənim anam-bacım sənin anan-bacındır. Yenə söydü. Mən də məcbur oldum»,- deyə Rəşid Qurbanov bildirib. Rəşid Qurbanov həmin vaxt bıçağı yaxınlıqda olan sexdən götürdüyünü bildirdi. «Məni yoldan çıxaran onun nalayiq sözləri oldu. Peşimanam, olacağa çarə yoxdur, eləmişəm», - deyə saxlanılan Rəşid Qurbanov vurğulayıb.
