“Dədə Qorqud Dastanı və Milli Mənəvi Dəyərlərin Qorunması” mövzusunda dəyirmi masa təşkil edilib

Ədəbi konfrans gənclərin ədəbiyyat sevərlərin təşəbbüsü ilə yaradılan  “Azərbaycan Mütəfəkkirləri və Dahilərin Tanıdılması”  İctimai Birliyi tərəfindən keçirilib. 

Tədbir Azərbaycan dövlət himninin oxunması ilə başlayıb. Sonra  Dədə Qorqud  Dastanı haqqında çəkilmiş sənədli filmə baxılıb.

Daha sonra “AMDT” İB-nin sədri Elçin Zeynalov tədbiri açaraq Dədə Qorqud dastanındakı insanlığı nümunə çəkib: “Ənənəyə görə bu dastanın müəllifi məhz  Dədə Qorqud olduğu ehtimal edilir.  Dastanların süjet xətti on iki boyda əks olunub. “Dirsə xan oğlu Buğacın boyu”, “Qazan bəyin oğlu Uruz bəyin dustaq olduğu boy”, “ Duxa Qoca oğlu Dəli Domrulun boyu” və digər boylarda oğuz igidlərinin keşmekşli həyat yolları əks olunub.

Dədə Qorqud dastanını  bugünləri gənclərimiz, ümumiyyətlə, insanlarımız yalnız informasiya olaraq öyrənirlər. Lakin dastandakı gözəllikləri yaşamırlar. Dədə Qorqud bizim milli kimliyimizdir, irsimizdir. Bu irsi gözəl bir şəkildə gələcək nəsilllərə aşılamalıyıq”. 

Daha sonra  “AMDT” İB-nin sədr müavini Amid Bağırov  dastandakı  səslənən fikirlərdən söhbət açaraq  Dədə Qorqudun inancı haqqında danışıb. Onun sözlərinə görə, Dədə Qorqud ilahi eşqdən faylanaraq oğuz igidlərinə insanlığın yüksək mərtəbəsindən tövsiyələr verib.

Qonaq qismində çıxış edən “Sumqayıt Şəhər Təhsil Şöbəsi”nin əməkdaşı Əlhəddin Paşayev də Dədə Qorqudun Azərbaycan ədəbiyyatında xüsusi yerinin olduğunu vurğulayaraq bu dastanın Azərbaycan xalq ədəbiyyatının ilk yazılı qədim abidəsi olduğunu qeyd edib: “Biz irsimizi qorumalıyıq, yalnız gözəl danışmaqla deyil əməldə də bizə qoyulan əmanətə sahib çıxmalıyıq. Bu dastanla Azərbaycan ədəbiyyatının dünyada nə qədər zəngin mədəniyyətə malik olması göstərilib”.

 Şairə xanım Gülnarə İsrafilqızı da bu dastandakı boylardan nümunələr çəkərək Azərbaycan xalqının zəngin mənəvi irsinin çox zəngin olduğunu deyib: Bugünləri biz tarixi qəhrəmanlarımızı yetərincə örnək kimi təqdim edə bilməliyik. Çünki Dədə Qorqud da qəhrəmanlığın tərənnüm olunur. Biz inanıram ki,öz torpaqlarımızı bu dastandakı kimi döyüşərək geri alacağıq”. 

“Şərq” qəzetinin müxbiri  Vüqar Şahinoğlu isə adıçəkilən dastandanın süjet xəttinə gənclərin gözü ilə baxıb.  O, bugünləri bəzi gənclərin iç aləmində sanki br tufanın qopduğunu bunun nəticəsində ölümlərin artıdığını bildirib: “ Dədə Qorduq Dastanı Azərbaycan gəncliyini müxtəlif çətin vəziyyətlərdən necə çıxmasını göstərir. Boylardakı gənc ərənlərin iradə möhkəmliyi, yad təsirlərdən qorunma yollarını  göstərirlərək tövsiyələr verir”

Düşünrəm ki, bu yöndə dastanın daha araşdırılaraq gənclərimizə  ədəbi zəngimliyimiz göstərilərək sevdirilməlidir”.  

Həmçinin tədbirdə  digər şairlər, yazıçılar və ədəbiyyat sevərlər iştirak edib. Sonunda  ədəbi konfrans iştirakçılarının sualları qonaqlar tərəfindən cavablandırılıb.