Ötən gün Abşeron rayonunda dənizdə, qeyri-çimərlik ərazisində batan şəxsin cəsədi tapılıb.
Bu barədə AZXEBER.COM-a Fövqəladə Hallar Nazirliyindən məlumat verilib.
Məlumata görə, həmin şəxs 2007-ci il təvəllüdlü İbadullayev Elman Telman oğludur.
E.İbadullayevin meyiti Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu tərəfindən tapılaraq sudan çıxarılıb və aidiyyəti üzrə təhvil verilib.
Novxanı və Kürdəxanı çimərliklərində batan daha iki nəfərin axtarışları isə davam etdirilir.
