Dünyanın ən varlı futbolçuları reytinqində 1-ci yer Kriştian Ronaldu, 2-ci yer Messi, 3-cü yer Etoya aiddir.
Goal.com saytının apardığı araşdırmalara görə, hazırda fəaliyyət göstərən futbolçuların gəlirini nəzərə alaraq dünya üzrə 10 ən varlı futbolçunun reytinq cədvəlini müəyyən edib.
AZXEBER.COM Sports.ru-ya istinadən xəbər verir ki, reytinqin ilk üçlüyünə daxil olan futbolçulardan ilk yerin sahibi “Real”ın forvardı Kriştian Ronaldudur.
2-ci yer “Barselona” oyunçusu Lionel Messiyə, 3-cü yer isə “Çelsi”dən olan Samuel Etoya məxsusdur.
Futbolçuların gəlirinə görə reytinq cədvəli aşağıdakı kimidir:
1. Kriştian Ronaldu (“Real”) – 148 milyon avro
2. Lionel Messi (“Barselona”) – 146 milyon avro
3. Samuel Eto (“Çelsi”) – 85 milyon avro
4. Ueyn Runi (“Mançester Yunayted”) - 84 milyon avro
5. Kaka (“Milan”) - 82 milyon avro
6. Neymar (“Barselona”) – 80 milyon avro
7. Ronaldinyo (“Atletiko”) - 78 milyon avro
8. Zlatan İbrahimoviç” (“PCJ”) - 69 milyon avro
9. Canluici Buffon (“Yuventus”) – 63 milyon avro
10. Terri Anri (“Nyu-York Red Bulls”) – 57 milyon avro
