Və ya şöbə müdirinin ürəyində qalan müavinlik sevdası…
Son aylar DYP ilə bağlı mətbuatda yayılan informasiyalarda oxşar bir hal ortaya çıxır. Bu oxşarlıq təkcə yazılan xəbərlərin mahiyyətcə eyni olması deyil, eyni zamanda yazılanlara cavab olaraq qarşı tərəf kimi idarənin bölmə rəisi Vaqif Əsədovun səssiz qalmasıdır. Müxtəlif dövürlərdə qurum haqqında yazılan hansısa neqativ xəbərin ardından bir göz qırpımında ortaya çıxan Vaqif Əsədovu indi şamla axtarsaq da tapmaq müşkülə çevrilib.
DYP ilə bağlı neqativ xəbərlərdə sonda “DYP sözcüsü Vaqif Əsədovla əlaqə yarada bilmədik”, “Vaqif Əsədov telefonlarımıza cavab vermədi” və ya “Vaqif Əsədovun əlaqə telefonları söndürülüb” kimi cümlələr daha çox gözə dəyməyə başlayıb. Elə bu yazı hazırlanarkən də Vaqif Əsədovu tapmaq mümkün olmadı.
AZXEBER.COM-a bunun səbəblərinə aid ilginc məlumatlar daxil olub.
Polis polkovnikini küsdürən ilginc səbəb
Xatırlayırsınızsa, bir il bundan öncə Dövlət Yol Polisi İdarəsinin (BŞDYPİ) İctimai qurumlarla əlaqə bölməsinin rəisi Vaqif Əsədovun nazir Ramil Usubovun əmri ilə polis polkovniki rütbəsi almışdı. Şöbə rəisi rütbəsinin artmasından sonra mətbuatla əlaqələri daha da genişlndirərək onu bu səviyyəyə çatdıran jurnalistlərlə daha sıx münasibət qurmağa çalışırdı.
Təbii ki, jurnalistlərin müxtəlif vaxtlarda kiçik xahişlərini yerinə yetirməklə onlarla qarşılıqlı əməkdaşlıq içərisində olan V.Əsədov bu imkandan istifadə edib rəhbərlik yanında müxtəlif öhdəliklər də götürürdü. Əsasən “reket” jurnalistlərin son illər DYP-nin ən yüksək rütbəli məmurları ilə bağlı yazılan yazılarının çıxardılması üçün xüsusi səylər göstərir, canfəşanlıq nümayiş etdirirdi. Bu məqsədlə mətbuatda DYP-nin imici üçün işlər görən V.Əsədov qurumun tam obyektiv fəaliyyət göstərdiyini nümayiş etdirirdi. O hətda öz qızının belə yol polisi tərəfindən saxlanıldığını və heç kimin xahişinin bu qurumda keçmədiyini göstərməyə ciddi cəhdlə çalışırdı.
Mənbənin məlumatına görə, şöbə müdirinin bütün bunları etməsində ən əsas məqsədi Ramiz Zeynalova daha yaxın olmaq istəyi olub.
Ancaq Ramil Usubovun Bakı Şəhər Baş Polis İdarəsinin Dövlət Yol Polisi İdarəsində etdiyi kadr dəyişikliyi onun arzusunu ürəyində qoyub.
Dəyişikliyə görə, Ramil Usubov baş nazirin birinci müavini Yaqub Eyyubovun oğlu Fərhad Eyyubovun vəzifəsini yüksəldərək onu idarə rəisinin ikinci müavini təyin edir.
İdarə rəisinin müavini statusuna iddialı olan Vaqif Əsədovun təyinat gözlədiyi bir zamanda belə bir halla üzləşməsi onu tamamilə küsdürüb. Və bu prinsiplə iş fəaliyyətini davam etdirən V.Əsədov mətbuatda DYP ilə bağlı gedən heç bir neqativ yazıya müdaxilə etməməyə qərara alıb.
