Günaz.tv-nin rəhbəri, İrana qarşı mübarizə aparan güneyli siyasi mühacir Əhməd Obalı iki gün öncə ABŞ-in Kaliforniya ştatında qaldığı hoteldə iki nəfər naməlum şəxs tərəfindən döyülüb.
Bu haqda jurnalist Samir Feyruzov məlumat yayıb.
O bildirib: "Əldə etdiyim ilkin məlumata görə, hadisə ilə bağlı ABŞ hüquq-mühafizə orqanları tərəfindən araşdırma aparılır.
Ə.Obalının boynunu sındırmaq istəyiblər. Onun əli və sağ əlinin bütün barmaqları qırılıb. Oğlu da ölümcül döyülüb.
Dəhşətlidir, İran xüsusi xidmət orqanlarının əli ABŞ-a qədər uzanır".
