Eldar Mahmudov olayı ilə bağlı daha bir nəfərin - Azərbaycan Televiziya və Radio Verilişləri Qapalı Səhmdar Cəmiyyətinin Musiqi verilişləri departamentinin rəhbəri Nadir Axundovun tutduğu vəzifədən azad edilməsi ilə bağlı məlumat yayılıb.
Məlumata görə, N.Axundovun vəzifədən çıxarılması “MTN işi” ilə bağlıdır. Bildirilir ki, o, sabiq milli təhlükəsizlik naziri Eldar Mahmudovun yeznəsidir.
AZXEBER.COM xəbər verir ki, AzNews.az-ın əməkdaşı yayılan məlumatları dəqiqləşdirmək üçün N.Axundovun özü ilə əlaqə saxlayıb. Departament rəhbəri yayılan xəbərlərin şayiə olduğunu bildirdi: “Əsassız xəbərlərdir. Hazırda işdə deyiləm, amma yoldayam və işə gedirəm. Heç bir işdən çıxarılmaqdan söhbət belə gedə bilməz”.
N.Axundov bu məlumatı yayanlara mesaj da ünvanlayıb: “O qədər pis adamlar var ki...”.
Xatırladaq ki, AzTV-nin Musiqi verilişləri departamentinin rəhbəri Nadir Axundov tutduğu vəzifədən azad edilməsi ilə bağlı məlumatı “AFN.az” yayıb.
