Axşam.az-ın məlumatına görə, aparıcı Elgiz Əkbərlə aktrisa-aparıcı Könül Yusifqızı arasında qalmaqal yaşanıb.
Elgiz toylarda səslənən "Qudalar" mahnısını qınayıb. O, mahnını ələ salaraq, onun lazımsız olduğunu deyib:
"Primitivdir, biabırçılıqdır. "Vağzalı"nı başa düşürəm. Amma bu "Qudalar"ı çalıb, qudaları ortaya salmaq nədir? Nə vacibdi qadını salırsınız ortaya oynadırsınız. Aparıcının nə ixtiyarı var qudalara söz verir? "Qudalar" oxuyur, camaatda kabab yeyə-yeyə düşüb oynayır. Nə pis görünür... Bunu adət kimi xalqa sırımayın. İndi də sünnət toylarında "Qudam" sözünü "Kirvəm gəlir"lə əvəz edirlər".
Könül "Toy bizim adətimizdir. Kim sənə deyir kabab at ağzına, düş ortaya?" deyə, etirazını bildirib.
Proqrama qonaq olan İzzət Bağırov da aparıcının fikri ilə razılaşmadığını deyib:
"Deyirsən qudalar lazım deyil. Amma küçədə camaat içində evlilik təklifi etmək yaxşıdır?".
