ASAIF-n bugünki forumu həmin təşkilat qarşısında yeni üfüqlər açır.
AZXEBER.COMxəbər verri ki, bunu ASAIF-in 30 avqustda keçirilən XI forumunda çıxışı zamanı Prezident Administrasiyasının (PA) siyasi təhlil və informasiya təminatı şöbəsinin müdiriElnur Aslanovdilə gətirib. Onun qeyd etdiyinə görə, bugünki Azərbaycan gəncliyi o cümlədən ASAIF üzvləri XXI əsrdə Azərbaycanın yeni üfüqlərə, yeni gələcəyə, yeni nailiyyətlərə aparacaq böyük bir ordusudur. PA rəsmisi sonra qeyd edib ki, Azərbaycan müstəqillik əldə etdikdən, xüsusilə 1993-cü ildən bu yana böyük inkişaf yolu keçib. “Azərbaycan son 20 il ərzində büdcəsi 500 milyon dollar olan ölkədən hazırda büdcəsi 24 milyard dollar olan bir ölkəyə çevrilib. Azərbycan son 10 il ərzində əhalisinin yarısı yoxsulluq səviyyəsində olan bir ölkədən hazırda əhalisinin cəmi 6 %-i yoxsul olan bir ölkəyə çevrilib. Azərbaycan son 20 il ərzində daxili çəkişmələrdən, 1994-95-ci illər dövlət çevrilişlərinə cəhdlərdən əziyyət çəkən bir ölkədən stabil demokratik bir ölkəyə çevrilib. Azərbaycan onun torpaqlarının 20 %-ni işğal edən Ermənistandan fərqli olaraq ianələr hesabına yaşamır”. PA rəsmisi eyni zamanda deyib ki, bu gün Azərbaycan Cənubi Qafqaz iqtisadiyyatının 85 %-ni özündə cəmləşdiri. “Budur müstəqil Azərbaycan. Budur güclü Azərbaycan. Burada da qeyd edildiyi kimi Azərbaycan həm də bir ənənələr ölkəsinə çevrilib. Mərhum ümummilli liderimiz Heydər Əliyev dövründə əsası qoyulan ənənələr onun siyasətinin layiqli davamçısı İlham Əliyevin 10 illlik prezidentlik dövründə də uğurla davam etdirilir. Cənab prezidentin dediyi kimi, bu gün əsas hədəflərdənm biri qara qızılın neft kapitalının intellektual kapitala çevrilməsidir. Bildyiniz kimi bu istiqamətdə çox böyük işlər görülməkdədədir. Və bunun nəticəsidir ki, Azərbaycan son illər ərzində dünyanın 50 inkişaf etmiş ölkələri arasında özünüün layiqli yerini tututr. Biz qarşımıza dünyanın inkişaf etmiş ölkələri sırasına, ilk əlliliyə daxil olmaq məqsədini qoyarkən bir qədər tərəddüd edirdik, buna ehtiyatla yanaşırdıq. Çox sevindirici haldır ki, Azərbaycan artıq ilk əllilikdədir. Ancaq bizim qarşımızda duran məqsədlərdən biri də odur ki, yaxın gələcəkdə ilk onluğa, iyirmiliyə daxil olaq”. Bu forumun heç də rəsmi xarakter daşımadığını, onun həm də fikir mübadiləsi olduğunu nəzərə çatdıran Elnur Aslanovun bildirdiyinə görə, bugün qarşıya qoyulan hədəflərdən biri də gənclərin yüksək keyfiyyətli təhsil alması və onların simasında yeni kadr potensialının formalaşdırılmasıdır. “Biz istəyirik ki, gənclər digər ölkələrdə təhsil aldıqları ali təhsil müəsssislərində öz həmkarlarına, müəllimlərinə Azərbaycan həqiqətləri, Dağlıq Qarabağ problemi barədə məlumat versinlər. Çünki çox təəssüflər olsun ki, erməni lobbisinin təsiri altında Azərbaycana qarşı qərəzli mövqelər ortaya qoyulur. Ona görə, biz gənclərimə tövsiyyə edirik ki, Azərbaycanala bağlı qərəzli fikirlərin qarşısının alınmasında aktiv və fəal rol oynasınlar. Azərbaycan bu gün Cənubi Qafqazın lider dövlətidir. Bu gün dövlətimiz transmilli layihələrin həyata keçirilməsində başlıca rol oynayan bir ölkədir. Bu gün Azərbaycannını dəstəyi və iştirakı olmadan heç bir layihə həyata keçirilə bilməz. Bu baxımdan siz gənclər tamamilə başqa fərqli bir, lider olan Azərbaycanı təmsil edirsiniz”. Çıxışı zamanı Azərbaycana qarşı ikili standartlardan danışan PA rəsmisi bildirib ki, bəzi qüvvələrə Azərbaycanın uğurlarını qəbul etmək istyəmirlər. Bu baxımdan ölkəmizə qarşı ikili standartlardan çıxış edirlər. “Bildiyiniz kimi Qarabağ münaqişəsi ilə bağlı BMT təhlükəsizlik şurasının qətnamələri var. Ancaq necə olur ki, həmin qurumun başqa qətnamələri cəmi bir neçə saat ərzində icra olunur. Amma Qarabağ münaqişəsi ilə bağlı qəbul edilmiş qətnamələr bu günədək də icrasız qalır. Bu özü hələ də bizə qarşı ikili standarların davam etməsindən xəbər verir”. E.Aslanov çıxışı zamanı onu da vurğuladı ki, demokratiya insanların şüurlarında, fikirlərində formalasşmalıdır. “Ümummilli lider Heydər Əliyevin dediyi kimi demokratiya alma deyil ki, haradansa alıb gətirəsən. Demokratiya beyinlərdə şüurlar formalaşmalıdır. Çox sevindirici haldır ki, bu gün Azərbaycanda tam demokratik mühit formalaşıb”.
