Azərbaycandan olan iştirakçıların qatıldıqları Türkiyənin ən tanınmış verilişlərindən biri "O səs Türkiyə"nin finalçıları bəlli olub. TV8-də yayımlanan müsabiqə artıq sona çatır.Aparıcısı və yaradıçısı Acun Ilıcalı olan yarışın jüri masasında Ebru Gündəş, Gökhan Özoğuz, Hadisə, Mazhar Alanson ve Özkan Uğur oturub.Finalçılar SMS səsverməsi ilə seçilib. Finalda yarışacaq yarışmaçılardan biri də Azərbaycan təmsilçisi Elnur Hüseynovdur. O, finalda Sahil Ekmekçi, Osman Vahit Özdal, Məhəmməd Vanal, Sarper Arda Akkaya, Emrah Güllü, Kaya Aslantepe, Zeo Javeedlə mübarizə aparacaq.Elnur dəfələrlə müsabiqə çərçivəsində keçirilən yarışların qalibi olub. O, səsi ilə türkləri heyran qoyub. Ebru gündəş bir necə dəfə keçirilən dueldən sonra düşünmədən Elnurun namizədliyini dəstəkləyib və onu növbəti mərhələyə keçirib."O Səs Türkiyə"nin final mərhələri fevralın 16-da olacaq.
