Dini Qurumlarla İş üzrə Dövlət Komitəsinin sədri Elşad İskəndərov hesab edir ki, müxtəlif siyasi oyunlar zamanı dini qruplardan istifadə həm etik cəhətdən, həm də qanun tərəfindən yolverilməzdir.
AZXEBER.COM xəbər verir ki, “Azərbaycan dünyəvi dövlətdir və dini qruplar cəmiyyətin bir parçasıdır. Dini qrupların cəmiyyətdə xüsusi kateqoriya olaraq seçilməsi qəbulolunmazdır” – deyə jurnalistlərə müsahibəsində sədr bildirib.
“Ölkədəki modernləşmə prosesi, əhalinin ümumi rifah halınin yüksəlməsi dini qrupların da həyat şəraitinə müsbət təsir edib”.E.İskəndərov Azərbaycandakı bəzi destruktiv qüvvələrin dini faktordan siyasi məqsədləri naminə istifadəsindən təssüfünü ifadə edib. Onun sözlərinə görə, bu məsələdə Azərbaycan vətəndaşları birlik nümayiş etdirməli və vahid mövqedən cıxış etməlidir.
