"İlhamə Quliyeva şou-biznesdə at oynadırdı. Kaş ki, zamanında qalmaqallardan başını ayırıb, anası üçün ev muzeyi yaradardı”.
AZXEBER.COM xəbər verir ki, bu sözləri ARB televiziyasının "O üz” verilişinin İlhamə Quliyevaya həsr olunan buraxılışında Əməkdar artist Elza Seyidcahan deyib.
Bəstəkar-müğənninin sözlərinə görə Quliyeva, məhz qalmaqala olan marağı ucbatından sağlamlığına ziyan edirdi:
"İlhamə xanım yola gedən adam deyildi. Yalnışlıqlara yol verirdi. Nəyinsə xatirinə, kimisə tərifləyərdi. Şəxsi ədavətləri onun öz sənətinə, şəxsiyyətinə hətta sağlamlığına da ziyan vururdu. Yoxsa o, hələ 10 il də yaşayardı. Hanı o maşınları, evləri, kürkləri, qızılları? Kaş ki, İlhamə xanım o qalmaqallardan baş ayırıb, evinin birini ata-anasınıın ev muzeyi edərdi”.
Elza Seyidcahan mərhum İlhamə Quliyevanı dırnaqarası şou-biznesə çox zaman ayırmaqda günahlandırıb:
"O, dırnaqarası şou-biznesə bağlı idi. Ona titul verirdi, buna qadağa qoyurdu. Onu da şirnikləndirirdilər. Bəlkə o özü də bundan peşmandır indi. Uşaqlarımın toyuna gəlmişdi. Məni nə qədər danladı, narahat elədi Xatirə İslama görə ki, onu niyə çağırmısan bura? Başıma oyunlar açdı ona görə. Axırda da Xatirəyə tac qoydu getdi. Amma mən Elzayam, əyilmirdim. Bəlkə də ona görə İlhamə xanım məni qısqnırdı. Bu qısqanclıq da onu belə üzdü. O, indi mənə görə peşmandır ki, mənim yuxularıma gəlir. Bəlkə də məndən halallıq istəyir”.
Aysel
