Əməkdar artist Nigar Şabanova "Xəzər TV"-də yayımlanan "İncə səhər" verilişində qonaq olub.
AZXEBER.COM xəbər verir ki, verilişin komandası Əməkdar artistin evində qonaq olaraq ilk dəfə anasını görüntüləyib.
Səhhətindəki problemlər səbəbilə anası Akifə xanıma qarşı olan həssaslığı ilə bilinən xanəndə, onun açıqlamaları qarşısında göz yaşlarını saxlaya bilməyib:
"Mənim səhhətimdə problemlər var. Heç istəməzdim ki, sizi belə qarşılayım. Artıq 5 ildir ki, insult keçirtmişəm. 14 gün komada qalandan sonra yeriməyimdə və danışığımda problemlər yarandı. Gözümü açanda qarşımda Nigarı gördüm. O olmasa idi, mən bu gün həyatda olmazdım. Göydə Allah, yerdə Nigar, məni həyata qaytardı. Bütün ömrümü, cavanlığımı Nigara həsr etmişəm. Mən onun sənətə gəlməsinə qarşı idim, babası muğam oxumağını istədi" deyə Əməkdar artistin anası qeyd edib.
Aysel
