Bir neçə gün əvvəl sosial şəbəkələrdə sağlamlıq imkanı məhdud olan iki qardaşın müğənni Miri Yusiflə Röya və "Bozbaş Pictures"in "Qılman həkimi" (İlkin Misgərli) ilə görüşmək arzularında olduğu barədə məlumat yayılmışdı.
AZXEBER.COM"Qafqazinfo”-ya istinadən xəbər verir ki, arzuladıqlarla şəxslərlə görüşən uşaqlardan biri Vəli artıq bu gün dünyasını dəyişib.
Bu arada qeyd edək ki, Vəli ölümündən bir gün qabaq ən böyük arzularından birini Miri Yusifi görməklə həyata keçirmişdi.
Vəlinin vəfat etməsi ilə bağlı məlumat yayan facebook istifadəçisi Mahir Orucov qeyd edib ki, onun ötən gün vəziyyəti pisləşib, iki dəfə təcili yardım gəlib.
Xatırladaq ki, Vəli müğənni Mir Yusiflə, Fərid isə "Qılman həkim"lə görüşüb.
