Türkiyə prezidenti Rəcəb Tayyib Ərdoğan Çamlıca məscidində Quranı əzbərləyən 333 tələbə üçün keçirilən məzun mərasimində iştirak edib.
AZXEBER.COM Türkiyə mətbuatına istinadən xəbər verir ki, mərasimdə Ərdoğan Quran oxuyub.
Prezident Ərdoğan Çamlıca məscidində tələbələrin "Allahu Əkbər" sədaları ilə qarşılanıb. Prezident Ərdoğan mərasim zamanı "Əşr-i Şərif" oxuyub.
O, mərasimdən sonra iştirakçılarla birlikdə cümə namazı qılıb. Xütbə türk, ərəb, ingilis və yapon dillərində oxunub.
Ərdoğanın bu görüntüləri sosial mediada sürətlə yayılıb və izləyicilər tərəfindən maraqla qarşılanıb.
