Ərdoğan BMT-nin Suriya ilə bağlı yeni qətnaməsini təqdir edib

Türkiyənin baş naziri Rəcəb Tayyib Ərdoğan BMT Təhlükəsizlik Şurasının yeni qətnaməsi ilə bağlı münasibət bildirib. Ərdoğan qeyd edib ki, qətnamənin qəbulu vacib addım olsa da, müşahidəçilərin sayı yenə də yetərli deyil. "Hətta, bu say da azdır. Düşünürəm ki, Suriyaya daha artıq müşahidəçi, mümkünsə, minlərlə müşahidəçi göndərmək lazımdır. Çünki az sayda müşahidəçi müəyyən bölgələrdə fəaliyyət göstərə bilər. Çoxlu sayda müşahidəçi lazımdır ki, Suriyanın ümumi mənzərəsini müşahidə edə bilsin", - deyə Ərdoğan bildirib.