Ermənistan silahlı qüvvələrinin atəşkəsi pozması nəticəsində Azərbaycan Ordusunun əsgəri yaralanıb. Hadisə Naxçıvan Muxtar Respublikasının Şahbuz rayonunda qeydə alınıb. Müdafiə Nazirliyinin mətbuat xidmətinin rəis müavini Teymur Abdullayevin verdiyi məlumata görə, yaralanan əsgər 1991-ci il təvəllüdlü Sərxan Azər oğlu Əhmədovdur. O, 2010-cu ilin oktyabrında Şərur Rayon Hərbi Komissarlığından həqiqi hərbi xidmətə çağırılıb. Yaralı əsgər hospitala yerləşdirilib. Onun vəziyyəti orta ağır qiymətləndirilir.
