Xəsarət alanlar Mərkəzi Xəstəxanaya yerləşdirilib.
Tovuz rayonu Əlibəyli kəndinin erməni silahlı qüvvələri tərəfindən intensiv atəşə tutulması nəticəsində Əlibəyli kənd sakini və Azərbaycan ordusunun hərbçisi yaralanıb.
AZXEBER.COM APA-ya istinadən xəbər verir ki, kənd sakinlərinin verdikləri məlumata görə, saat təxminən 22.30 radələrindən başlayaraq ermənilər iri çaplı silahlarla kəndi atəşə tutublar. Sakinlərin bildirdiklərinə görə, son 6 ayda belə intensiv atışma olmayıb.
Əlibəyli kənd İcra nümayəndəsi Valeh Rzayevin verdiyi məlumata görə, Əlibəyli kənd sakini 40-42 yaşlı Etibar Tağıyev ayağından yaralanıb. Məlumata görə, o evində olarkən düşmən gülləsi evin divarını dəlib keçərək E.Tağıyevin ayağına dəyib.
Yaralı Tovuz Rayon Mərkəzi Xəstəxanasına yerləşdirilib.
Bundan başqa, Azərbaycan ordusunun bir hərbçisinin də ayağından güllə yarası aldığı bildirilir.
