Ermənistan ordusu qırılır

Ermənistan ordusunda növbəti ölüm faktı baş verib. ANS PRESS "Armenia Today" saytına istinadən xəbər verir ki, hələ ki, faktla bağlı saxlanılan yoxdur. Belə ki, Azərbaycanın işğal olunmuş ərazilərində Qarabağda xidmət keçən 1992-ci il təvəllüdlü sıravı əsgər avqustun 26-da keçinib. O, huşsuz vəziyyətdə hərbi hospitala çatdırılıb və burada 1 saatdan sonra dünyasını dəyişib. Ermənistan Müdafiə Nazirliyinin istintaq xidmətinin məlumatına görə, faktla bağlı Ermənistan Cinayət Məcəlləsinn 112-ci maddəsinin 14-cü hissəsinin 2-ci bəndi ilə cinayət işi açılıb. (sağlamlığa bilərəkdən ağır xəsarət yetirmə, ehtiyatsızlıqdan zərərçəkənin ölümünə səbəb olma). Bu maddə 5 ildən 10 ilədək azadlıqdan məhrum etməni nəzərdə tutur. Ermənistan Müdafiə Nazirliyi isə istintaqın maraqlarına uyğun olaraq əsgərin hansı formada ağır zədə aldığını və komandir heyətinin əsgərin belə ağır zədə almasının qarşısını niyə ala bilməməsi barədə informasiya təqdim etmir. Qeyd edək ki, bu, bu il Ermənistan ordusunda 20-ci belə haldır. İstintaqın adətən gəldiyi ilkin nəticə bu olur ki, əsgər ya intihar edib, ya da başqasının əli ilə ölüb. 2010-cu ildə Ermənistan silahlı qüvvələrində 54 ölüm faktı qeydə alınıb. Bu barədə Azatutyun (Azadlıq) radiosu xəbər verib.