Ermənistanın baş naziri Tiqran Sarkisyan mümkün istefası barədə yayılan bütün məlumatları təkzib edib. Erməni hökumət başçısı kreslosunu tərk etmək niyyətində olmadığını bildirib.Baş nazir istefası verəcəyi məlumatlarla bağlı jurnalistlərə deyib ki, bu, siyasi məsələdir. Müxalifət seçkidə diqqəti cəlb etmək məqsədi ilə bunu edir və onlar da məsələyə bu nöqteyi nəzərdən yanaşır.Ermənistanda heç bir sosial-iqtsadi çətinliyin olmadığını iddia edən baş nazir əlavə edib ki, ölkədə heç bir siyasi böhran da yoxdur: “Ona görə də mən istefa verməyi düşünmürəm. Dünyada elə bir ölkə yoxdur ki, orada ideal göstəricilər olsun. Ona görə bu, böhran hesab edilmir”.
