Azərbaycan ordusunun əsgəri xidməti silahı ilə hərbçi yoldaşını vurub. APA-nın məlumatına görə, hadisə cəbhə bölgəsində qeydə alınıb.
Milli ordunun əsgəri, 1989-cu il təvəllüdlü Elnur Dadaşovun əlindəki xidməti silahdan təsadüfən açılan atəş nəticəsində güllə onun hərbçi yoldaşı, 1992-ci il təvəllüdlü Sakit Abdullayevin ayağına dəyib. Hadisənin təhlükəsizlik qaydalarının pozulması nəticəsində baş verdiyi bildirilir.
Müdafiə Nazirliyinin mətbuat xidmətindən APA-ya faktı təsdiqləyiblər.
Qeyd edək ki, S.Abdullayev Qusar, E.Dadaşov isə Salyan Rayon Hərbi komissarlıqlarından həqiqi hərbi xidmətə çağırılıb.
