Avropa Parlamentinin prezidenti bildirib ki, prosedura əsasən, EURONEST-də qərarlar parlamentarların 2/3 səs çoxluğu ilə qəbul olunacaq. Daha sonra EURONEST-in həmsədrləri elan olunub. Hər ölkənin bir təmsilçisi, Avropa Parlamentindən isə bolqar deputat Konstantin Viqenin EURONEST-in həmsədrləri seçiliblər. Azərbaycandan deputat Elxan Süleymanov həmsədr olub.
Parlamentarlar bundan sonra EURONEST komitə və işçi qruplarının yaradılması məsələsini müzakirə edəcəklər.
Xatırladaq ki, iclasda Azərbaycanın Ziyafət Əsgərovun rəhbərlik etdiyi nümayəndə heyəti təmsil edir. Heyətin tərkibinə Milli Məclisin dövlət quruculuğu və hüquq siyasəti komitəsinin sədri Əli Hüseynli, deputatlar Gülçöhrə Məmmədova, Elxan Süleymanov, Fuad Muradov və Asim Mollazadə daxildir.
