""Eurovision"a 1 milyard manat ayrılması yanlış məlumatdır"
Bütün Xəbərlər
14:05 16.11.2011
1847
“Azərbaycanda “Eurovision 2012” mahnı müsabiqəsinin hazırlığına 1 milyard manat pul ayrılması barədə məlumat tamamilə yanlışdır və havadan götürülüb”. Bunu Trend-ə Prezident Administrasiyasının İctimai-siyasi məsələlər şöbəsinin müdiri Əli Həsənov bu barədə bəzi KİV-də guya, rəsmi mənbələrə istinadən yayılan məlumatlara münasibət bildirərkən deyib. “Faktiki olaraq hazırda Azərbaycanda dövlət səviyyəsində “Eurovision 2012”" mahnı müsabiqəsi üçün bir neçə yerin tikilməsi, hazırlanması ilə bağlı bəzi KİV-də gedən məlumat jurnalist təxəyyülünün məhsuludur. Düzdür, Azərbaycanda bu barədə bəyanat verilib. “Eurovision 2012” mahnı müsabiqəsinin keçirilməsi üçün üç yerə baxıla bilər. Müsabiqənin üç yerdə keçirilməsi ehtimalı var. Bunlardan biri Heydər Əliyev adına İdman Konsert Kompleksi, ikincisi Tofiq Bəhramov adına Respublika stadionu və üçüncüsü isə gələcəkdə inşası başa çatdırıla bilərsə, yeni tikiləcək konsert kompleksidir. Amma bunların heç biri üçün ayrıca şəkildə “Eurovision 2012” müsabiqəsi adına dövlət büdcəsindən 1 milyard manat məbləğində maliyyələşmə nəzərdə tutulmayıb”, - Həsənov qeyd edib. PA rəsmisi bildirib ki, maliyyələşmə ilə bağlı Prezidentin sərəncamı və Maliyyə Nazirliyinin qərarı var. Lazım olan informasiyanı ordan almaq olar.
