Türkiyənin “TRT” kanalının direktoru İbrahim Şahin, “Habertürk” qəzetinə “Eurovision” mahnı yarışması ilə bağlı fikirlərini bölüşüb.
AZXEBER.COM-un “Habertürk” qəzetinə istinadən verdiyi xəbərə görə, Şahin Can Bonomonun bir sıra rəqiblərindən üstün olduğunu, ancaq final gecəsinin hər şeyi həll edəcəyini söyləyib.
Müxbirin "Can Bonomo Avropada rekordlar qırır, musiqi tərzi isə çox fərqlidir. Bakıda keçiriləcək final gecəsində onun şansını necə qiymətləndirirsiniz?" sualına, TRT-in baş direktoru maraqlı cavab verib: "Eurovision bu il Bakıda olmasaydı biz birinci ola bilərdik. İnanmıram ki, Avropa 1 il sonra yenidən hər hansı bir türk ölkəsinə birincilik versin. Hətta bu il Ermənistan etiraz edərək yarışmaya qatılmayacağını söylədi. Ermənistana səs verən insanlar, səslərini bizə verəcəklər. Mən buna əminəm".
Ozal İbrahimli
