Azərbaycanın xalçaçılıq nümunələrinin təxminən 70 %-ni bir araya gətirməyi bacaran Fəxri Hüseynov Baku TV-yə bildirib ki, bu istiqamətdə axtarışlarını hələ də davam etdirir.
"Bu sənətə marağı mənə babam aşılayıb, xalçaçılığın sirlərini ondan öyrənmişəm. Altı yaşımdan etibarən xalçaların üzərindəki işarələri öyrənməyə başladım. Hazırda kolleksiyamda respublikamızın bütün bölgələri ilə yanaşı, dünyanın müxtəlif türklər yaşayan ərazilərindən gətirilmiş eksponatlar var. Buna baxmayaraq, axtarışlarım hələ də bitməyib. Məsələn, Qarabağ xalçaçılıq məktəbinin bir-iki növü hələ ki kolleksiyamda yoxdur. Qazax xalçalarının bəzi nümunələrini də axtarıram. Əsas məqsədim hər bir xalça çeşidindən azı bir nümunənin kolleksiyamda yer almasıdır", - deyə o əlavə edib.
