Jurnalist və hüquq müdafiəçisi Eynulla Fətullayev evləndi. Jurnalistin toyu “Monte Kristo” restoranında oldu. Həbsdən yeni çıxan jurnalistin toyu məhz bu arenada keçirməsinin məxsusi mənasının olduğu bildirib. Toyu “Şeron” qrupu idarə edib. Bundan başqa, toyda həmçinin Eyyub Yaqubov, Cavan Zeynallı və digər məşhur sənətçilər olub. Bildirək ki, mərasimə müxalifət liderləri dəvət edilməyib. Qonaqlar arasında "Yeni Müsavat" qəzetinin baş redaktoru Rauf Arifoğlu, Eldar Namazov, Sirus Təbrizli, Rəhim Qazıyev, QHT rəbərləri və jurnalistlər olub. 1976-cı ildə Bakıda anadan olan Eynulla Fətullayev jurnalist fəaliyyəti boyunca “İstiqlal” qəzetində, ANS televiziyasında, “Monitor” jurnalında çalışıb. 2005-ci ildə “Realnı Azerbaydjan”, “Gündəlik Azərbaycan” qəzetlərini və “Azerbaydjan v mire” jurnalını yaradıb. Hazırda bu nəşrlər fəaliyyət göstərmir.Eynulla Fətullayev 2007-ci ildən ayrı-ayrı üç hökmlə həbsdə olub. Bu il mayın 26-da əfvə düşüb.Həbsdən çıxandan sonra “İnsan Haqları Uğrunda” İctimai Hərəkat təsis edib. /// MÜSAVAT
