Azad İstehlakçılar Birliyinin sədri Eyyub Hüseynov: – Qaradağ rayonu ərazisindəki çirkli göllərdən hər gün tonlarla zəhərli duzlar daşınaraq əhaliyə satılır.
Azad İstehlakçılar Birliyi Qaradağ rayonu Puta və Lökbatan qəsəbələrindəki çirkli göllərdən duzların daşınması ilə bağlı həyəcan təbili çalır.
AZXEBER.COM-un məlumatına görə, Azad İstehlakçılar Birliyi ölkəərzisində duzun yodlaşdırılması və satışı sahəsində apardığı monitorinqlər zamanı, kustar üsulla istehsal olunan və tərkibində zəhərli maddələrin olduğu duzların açıq satılması hallarının davam etdiyini bildirir. Satılan keyfiyyətsiz duzların mənbəyini araşdırarkən məlum olmuşdur ki, bu duzlar əsasən müxtəlif mənbə və çirkli göllərdən toplanan duzların hesabına istehsal olunmaqdadır. Bu məsələ ilə bağlı mətbuat konfransı keçirən Eyyub Hüseynov bildirmişdir ki, ekzotik qablarda qablaşdırılaraq xarici istehsal kimi istehlakçılara təklif olunan bu duzlar texniki istifadəyə belə yaramır. Belə duz markaları respublikanın müxtəlif bölgələrindəəhaliyə satılır. Masazır duz zavodun istifadəyə verildikdən sonra keyfiyyətli “Azərduz” markasının satışa çıxarılması yod çatışmazlığı problemini qismən aradan qaldırsa da, bazarda satılan bir çox duzlar təhlükə mənbəyi olaraq qalır.
Qənd istehsalında da vəziyyətin acınacaqlı olduğunu bildirən ekspert bildirib ki, bir çox qənd istehsal sexləridə qəndi ağartmaq üçün insan həyatı üçün təhlükəli olan Sodium Hydrogen Sulphide-dən geniş istifadə olunur.
Azad İstehlakçılar Birliyi əhalini duz və qənd alarkən diqqətli olmağa, mənşəyi bilinməyən məhsulları almamağa çağırır.
