- Təbii, ki muzeyin yaradılması o demək deyil ki, insanlar bura ancaq ağlamağa gələcəklər. Bu muzeyin yaradılması sırf erməni vəhşiliyinin dünya ictimaiyyətinə çatdırılmasında böyük rol oynayacaq. Düşünürəm ki, bu muzeyə gələn insanların mübarizəyə duyğusal yox, elmi yanaşması daha məqsədəuyğundur.
- Sizcə bununla bağlı Milli Məclisdə qanun niyə qəbul olunmur? Millət vəkili Sabir Rüstəmxanlı deyir ki, məsələ 15 ildir müzakirə olunur, amma nəticə yoxdur.
- Bu məsələyə baxılır. Mənim nəsə deməyim artıq olar. Təbii ki, mən də bu məsələnin tezliklə həllinin tərəfdarıyam.
- Son zamanların ən aktual məsələlərindən biri də korrupsiyaya qarşı mübarizədir. Sizcə bu mübarizənin nəticəsi necə olacaq?
- Korrupsiyaya qarşı mübarizə 1-2 günlük iş deyil. Hökümətin hesabatını tənqid edəndə demişdim ki, korrupsiya Azərbaycanda var, bu faktdır. Hazırda korrupsiyaya qarşı mübarizədə xeyli irəliləyişlər var. Bunu görməmək haqsızlıq olar. Təbii ki, bu məsələ belə qısa zamanda həll edilə bilməz. Əgər korrupsiyaya qarşı mübarizə davamlı şəkildə həyata keçirilsə, problem tam şəkildə aradan qalxacaq.
- İctimai Palataya daxil olan partiyalar 2 aprel tarixində icazəsiz aksiya keçiriləcəklərini bildiriblər. Bu haqda nə deyə bilərsiniz?
- Ümumiyyətlə onların hansı məsələ ilə bağlı mitinq keçirməsi məni heç maraqlandırmır. Ümumi olaraq onu deyə bilərəm ki, Azərbaycanın milli maraqlarına zidd olan bütün hadisələrin qarşısında durmalıyıq. Bizim təşkilat heç vaxt İctimai Palatanın toplantısına qatılmayıb. Biz təşkilat olaraq da bunun əlehinəyik.
- Bəzi mənbələr İctimai Palatanın “Soros” fondu tərəfindən maliyələşdirildiyini, Azərbaycanda sabitliyin pozulması üçün xarici qüvvələrin burada əlinin olduğunu yazır. Sizcə bu inandırıcıdırmı?
- Mən ümumiyyətlə, inqilabların tərəfdarıyam. Ancaq bu inqilabların meydanlarda yox, beyinlərdə olmasını istərdim. Amma gəlin unutmayaq ki, indi Sovet dövrü deyil. Muxalifət anlamalıdır ki, SSRİ dönəmində tətbiq edilən metodları müstəqillik illərində tətbiq edilə bilməz.
