Sosial şəbəkə nəhəngi "Facebook"da mayın 18-i səhər saatlarından başlayaraq problem yaranıb.
"Facebook"dakı səhifələrin çökməsi səbəbindən səhifə sahiblərinin paylaşım etməsi mümkünsüz olub.
Hazırda şirkət yaranmış nasazlığı aradan qaldırmaq üçün işlər aparır.
Facebook"da yaranan qlobal problem nəticəsində çoxsaylı media qurumu və şirkətlər sosial şəbəkədə paylaşım edə bilmir.
Sözügedən problem şəxsi səhifələrdə yaşanmayıb və mobil telefondan giriş edənlər də bu nasazlıqla üzləşməyiblər.
Problemin hansı səbəbdən ortaya çıxması haqqında hər hansı bir məlumat verilmir.
"Facebook"da paylaşım etmək istəyən səhifə adminlərinə "Statusun yenilənməsində problem var, xahiş edirik bir neçə dəqiqədən sonra cəhd edin", - deyə avtomatik bildiriş gəlir. (anspress)
